Admin@KONPosted in Blogs
π—šπ—Ÿπ—˜π—‘π—’, [𝟭𝟲 πŒπšπ’π˜‚ πŸπŸŽπŸπŸ“] – Reitora Instituto UniversitΓ‘rio Naroman Esperansa (IUNE), Madre Annarita Russo realiza enkontru ho ekipa husi eskola CafΓ© Ermera hodi kontinua halo parseria iha formasaun lingua PortugΓ©s ba manorin IUNE ho manorin sira prΓ©-eskolar no ensinu-bΓ‘siku eskola Naroman Esperansa.
β€œParseria ida ne’e ho objetivo atu ita nia manorin sira bele fortalese liu tan sira nia koΓ±esimentu iha lian PortugΓ©s”, afirma Reitora IUNE hafoin remata enkontru ho ekipa husi eskola Cafe Ermera, Kinta-feira (15/05).
Formasaun ba lian PortugΓ©s ne’e, realiza tiha ona iha tinan kotuk, ne’ebΓ© manorin sira aprende hamutuk ona ho Profesor MΓ‘rio Louro no Profesora Rosa husi eskola CafΓ© Ermera. Tamba ne’e, tinan ida ne’e IUNE hakarak halo kontinuidade ba parseria ida ne’e atu iha kada kinta-feira loraik manorin sira bele hetan nafatin oportunidade hodi tuir formasaun.