Husi ha’u senti orgullu tebes ho kongresu ida-ne’e, tamba ho eskola IUNE nia vizaun no misaun dehan katak, iha tinan ida-ne’e Naroman Esperansa sei sai hanesan institutu universidade ne’ebé mak treina profesor sira liu husi aprendizajem esperimental, no edukasaun ida-ne’ebé integra labarik no joven sira iha baze konsepsaun kristan no treinanmentu apropriadu ba profesor sira, atu bele dezenvolve sira-nia abilidade, imagina no fo solusaun ba problema emerjentes sira ohin loron nian. Ha’u-nia esperansa katak ho kongresu ne’e bele ajuda no transforma ami, liuliu iha progresu edukasaun nian, iha Timor-leste.