Milka, servisu iha kompañia Grow Timor iha Programa HANDS, Ministériu Edukasaun iha Ensinu Pre-eskolár durante tinan 10. Deskrisaun servisu ne’ebé foku mak hakerek Manuál ba Abilidade Fasilitadór, Manuál ba Parentalidade, hakerek istória ba programa Mundu Labarik, hakerek manuál ba Programa Mundu Labarik Interativu, Programa Vizualiza Jestaun Klase, Konteúdu sira ba Programa Ksolok Labarik, no kompostu múzika ba labarik sira. Aleinde ne’e, fó mós formasaun ba manorin sira iha nivel Ensinu Edukasaun Pre-eskolár nune’e mós sai konsultan ba programa parentalidade eskola komunidade iha Programa UNICEF. Kualifikasaun iha nivel edukasaun nian mak mestradu ba Jestaun iha Institute of Bussines (IOB), foku ba Rekursu Humanus. Molok ne’e, Milka servisu iha área edukasaun ba nivel edukasaun Pre-eskolár no Ensinu Báziku klase 1-6 hahú iha tinan 2003 to’o tinan 2014, iha Institutu Mary MacKillop nu’udar koordenadór ba programa hodi fó formasaun ba manorin sira kona- ba métodolojia lee istória, oinsá halo planu annual, mensal, semana no diaria no oinsá dezenvolve istória no kompostu múzika.